PADUA Venetorum urbs

PADUA Venetorum urbs

ab Antenore, ante Romam, condita, postea sub his fuit. Dein ab Attila destructa, a Narsete reparata, diu Longobardis paruit. Horum regnô exstinctô, refloruit sub Italiae Regiubs, exin proprios Tyrannos passa, tandem sub Venetorum imperio acquievit. capta ab Imperatore Maximiliano I. mox recepta, et ab eodem frustra obsessa est, A. C. 1519. Solum habet fertile, unde Proverb. Bolonia la grassa, Venetia la guasta, ma Padoiia la passa. Propugnaculum est Venetorum, ex parte Lombardiae: Aedes ibi magnificae, Academia celeberrima, fundata a Carolo M. Patria Livii, etc. Reliquorum illustrium Patavinorum Catalogum pertexuit Iac. Phil. Thomasinus. Vide et Riccobon. de Gymnasio Patavino. Angel. Portenarium, de Felicitate Patavina. Bernardin. Scardeonium, de Illustr. Pataev. Adde Plin. l. 3. c. 19. Liv. l. 10. c. 2. Strab. l. 15. Melam. l. 2. c. 4. Paul. Diac. l. 15. Blondum l. 2. Leandr. Alberti descr. Ital. Guil. Ortusium, de novit. Pad. Monachum Patavinum, hist. ab an. 1207. usque ad An. 1270. etc. Hîc Concilium A. C. 1350. a clemente VI. celebratum, per Legatum Guidonem Bononiensem. Vide et Patavium.